是的，我明白你的心痛。你的心有幾痛就如我的心有幾內疚。
七年半以來我一直都感受到你對我的愛，對我的付出，你令我感動過。
多謝你。多謝你的包容，多謝你的無私，多謝你的偉大。
係你令我知道甚麼是愛。
我應承過你我會過得更好、更開心，我是一定會做得到的。
這是我對你最後的承諾，亦是一直以來唯一會做得到的承諾。
我會帶着回憶，努力未來。
請不必擔心我要承受的壓力，我是預咗的。
只希望你能夠堅強下去，活得更好，多些爲自己着想。
請珍重
深深感受過你的愛的人...
愛上在家喝酒，一杯威士忌，聽聽音樂，輕鬆！
最近興微博，我都將呢度變微博囉！
簡單的“日記”，唔使打咁多野！
對公司的不滿已接近爆煲的地步，
d人地位升左，就變左咩都唔理，
有野要我幫你做就得，我有野諗唔掂你咩態度對我！
以前有野齊齊諗，而家乜Q都推落我度！
又有D人越黎越鍾意插人，有野唔妥就攪大佢通曬天，
你係咪太耐冇出去呀你！你仲識唔識同人合作呀你！
有野圍内拆掂佢囉，搞咁大爲乜呢？大家都冇好處架！
公司已經冇左以前的和諧融洽，只有冷箭防備自我！
如果個天俾一個轉工的機會我，我一定走！
勞力士, 一隻每一個男人都希望擁有的錶,
對, 我擁有了.
虛榮, 是有的, 但我更著重其對我的意義.
勞力士代表一個男人去到了一個更高的階段,
一個成熟, 穩重, 成就的代表.
縱然我不是大富大貴,
但我可算是事業有小成, 賺到了我心目中的第一桶金.
這錶代表了我這四年來的艱辛, 努力, 成就.
...
...
人生好像不同了,
所想所看的, 像比以前更闊.
是時候要想想接下來的路, 目標.
試著更成熟.
不經不覺, 原來我距離會考已經有十年的光陰了...
好老!
今年出海出得太耐, 返到屋企反而變得唔習慣.
唔習慣放假係屋企唔知做咩,
唔習慣上網寫blog,
唔習慣不斷要上網搵野download,
唔習慣對住電視唔知睇咩好,
唔習慣出街要諗吃咩,
唔習慣要諗去邊度,
一切的唔習慣, 到我開始適應時, 又係要出去的時候.
返左黎兩個week, 黎緊禮拜日又要走喇.
又係阿曼同杜拜...
好悶! 仲以為有得去菲律賓添...
- - - -
因為有筆意外之財, 今轉買左勁多野...
相機, 眼鏡, LCD TV, DVD 機, 電腦野, 夾夾埋埋用左成萬元!
兩個禮拜就用1萬, 好似好過份...
有d悔疚添...
- - - -
好好彩, 返黎可以過到個長假期,
去左好多地方~
又唱K, 又行山, 又去坪洲吃海鮮, 又去馬灣公園~~
唱K見到好多勁耐無見同無聯絡的中學同學,
同你地玩真係超正~ 夠癲!! 合晒我"何車"!
最值得講下ge絕對係行山,
我係第一次去西貢行山,
今次行麥理浩徑第一段, 去到東壩, 仲睇到破邊州添!!
d 風景好靚架~~ 去我facebook睇相啦!
有日就同左d中同去吃海鮮,
超正!! 仲勁平!! 全靠阿苗的介紹!!
胡椒蝦, 蒸魚, 炸魚, 扇貝, 花鵰醉蟹, 最正係個豆卜魚湯!!!! 一百分!!!
埋單都係百幾一個人, 抵到爆炸~!!
叫快車茶餐廳, 係呀, 無錯, "快餐廳"!
- - - -
黎緊又要走喇, 返黎再搵你地啦!
我又出動喇!!
又係去非州呀,
今次可能要去三個月架!
咁就... 6月見喇各位~
原來2009年開始到而家我都無寫過Blog.
真係太懶喇...!
去完也門一個月, 返左黎一個week,
又去左澳門, 又約左朋友吃飯, 仲連電腦都換埋, 都好充實下!
唔使返工的日子就不斷搵野下載,
台劇, 台綜藝, 港劇, 港綜藝, 電影, 新歌, 咩都唔放過!!
要善用1TB的硬碟嘛!
不過用下用下, 又好似無乜位淨...
都係要清下d舊野先!
黎緊可能月尾要去東非,
有可能係今年的收爐工,
黎緊都唔知仲有咩工做...
希望唔會炒人啦, 凍薪減薪都算喇!
執相執左咁多日, 終於執完喇!!
upload 左去 facebook 同 xanga,
得閒去睇下啦!!
..
新屋雖然擺設同以前一樣,
不過感覺d家具好似好d,
用得比以前爽~
都係木地板好, 無咁凍冰冰!
..
下個week要去Yemen,
對呢d鬼地方無咩好感,
希望唔使自己一個飛...
..
祝各位新年快樂, 09心想事成!
後日搬屋, 執野執到傻左,
仲掉左好多野, 好多都好唔捨得,
好心痛, 不過無辦法, 總要清一清的.
..
平安夜邊爐, 正,
份禮物都幾好, 不過俾人接收左...
..
我未飲夠囉其實 =.=
..
快d搞掂搬屋的事就好喇...
去完東京,
兩個字講晒,
累, 窮 >.<
明明係放緊假都要被徵招返公司做野...
慘.
尋晚去左尖嘴影相, 試左支腳架,
正!
嘗試禁止回應, 呢排有d扑街係咁post廣告,
吊!
又要搬屋喇, 不過今次只係搬上樓上,
由19樓變43樓, 仲好平租添!
雖然簽約時好似俾人留難, 不過算啦,
鬼叫自己無能力買樓, 又要租得平咩,
我食得鹹魚抵得渴!
係時候要搵下d搬屋公司, 裝修公司, 又要執下野喇!
你無睇錯, 真係要搵裝修公司架,
雖然係租樓, 不過就係因為殘先租得平,
求其搵下執下d牆, 油一油咁囉.
圍起都仲平過而家個業主開個價!
佢最終咪死死地氣咁問我再減租唔租~
太遲喇~ 約都簽左啦!!!
旅行又要錢, 搬屋又要錢.... 好窮呀!!!!!!!!!!!!